MARKAZ ALWASATIYAH INC.
IN MARKAZ
In Markaz Alwasatiyah dum-adlaw ukab, ukab para ha katan. Yari siya ha Tolentino St., Sampaloc Manila, masuuk da pa P. Noval iban P. Campa. In builiding sakup niya in kausugan iban kababaehan. Makajjari kamu sumambahayang iban mag-attend sin mga program.
Pagsambahayang
Daindi ha Markaz aun pagsambahayang lima-waktu. Naka-assign in mga batah mag-imam iban mag-azan. Adapun, in sambahayang Jumaat dittu ha Masjid sin Binaul Insan ha hansipak da sin Markaz.
Level 2
In hati sin Level 2 amuna in mga kabataan ha lawm nag stay maingat na sila magbassa arabic iban labay pangajjih sila. Sila ini in dihilan subject advanced. Maghapal sila sin Qur-an iban Hadis iban kaibanan special subject.
Momoc
In Momoc amuna in mga kabataan nagtagnah ha panagnaan. Hinduan sila sin qiraa wa kitaba iban dihilan special class bang biyah diin kahinduan iban matarbiyah in kahalan nila.
Special Momoc
Sila ini in mga kabataan malayuh sila ha pag-agama iban wayruun sila ha lawm sin markaz. Special sila, sabab subay sila dihilan waktu iban kattuun hasupaya sila mari. Wajib sila taabbitun, iban wajib sila ayaran. Sila ini in capital sin mag-bibisnes, bang malawah in capital, lugih in guwah.
Akhawats
Sila ini in mga kataymanghuran kababaehan yari ha Manila, nag-aapply, nagrereview iban nag-iiskul. Hambuuk sila daing ha mga nag-e stay ha markaz iban lamud sila ha mga da'wah supaya sila dih kapasaran.
Gausbaugbug
Sila ini in nag-susupport ha markaz sibuh da ha pikilan, ha duwaa, atawa haunu-unu na in pakarajaan makatabang sila.